 Mir sinds veruckte Häxe-Rudel vo de Krützstrass in Baltenswil. Kennsch das nöd ??? Das müemer ändere !!! Denn wämer Eu es bitz vo eus verzähle: Mir sind jetzt im elfte Jahr i de Krüzstrass, immer vom Mentig bis Fritig, vom Morge am sechsi bis id Nacht, mit viel Freud und nomeh Humor für Eu da. Will mer es ganzes Wucheendi nöd ohni Eu glatte Sieche wend verbringe, hämer kurzerhand au no am Samschtig Abig, vom föifi a ufgmacht.
Kulinarisch sind öisi, immer frisch zuebereitete, mitlerwiele Land uf und ab bekannte Cordon-Bleu, sicher euses Markezeiche. Kei Luscht uf Cordon-Bleu? Keis Problem, zu öisne 18 verschiedene Cordon-Bleu i drü verschiedene Grössi, hämer au no es grosses a la Cart Angebot, wo sicher jede chlini oder grossi Hunger, stille chan. Au über de Mittag erwartemer eusi Gäscht mit mindeschtens siebe Priswerte Mittags-Menu. Am Mittag sowie am Abig isches doch emdpfehlenswert gschwind azlüte und es Plätzli reserviere.
Zwüschet dure lömer amix e chli Häx ufen Bese rite, wies bi öis ide Krüzi heisst. Im Klartext, mer hend no vieli fätzigi Events. Oeb das Live Musik ( vom Blues bis zum Handörgeler), e Silvester Party oder eifach es gmüetlich Plausch Jass Turnierli isch, ebe mer lönd eifach zwüschet dure Häx ufem Bese rite. Vo eusere Krüzi gebts no so viel verzähle.
Weisch was chum doch eifach emal verbi und la Di überrasche. Wener nöd so spontan wänd sie, keis Problem denn sinder jetz genau i de Richtige Home Page. Lueg alles in Rue a, vom Team über Spieskarte bis zu de Events und wenn den gluschtig worde bisch, denn tuender es Plätzli reserviere, mir freuet eus ganz sicher uf Eue bsuech, ide Krüzstrass in Baltenswil. Bis bald Eues Krüzi Team | |
