Lokalitäten
Ob en Tisch im Restaurant, e Gruppe i eusem Sterne Stübli oder für e no grösseri Personezahl im Sternesaal, mir händ viel Möglichkeite für dich, damit d’Bäse tanzed und d’Häxe flüged.
Restaurant Sterne Häxehüsli
Tisch-Reservatione nur telefonisch 044 836 31 11.
Falls ihr e Gruppe sind, chönder nach dä telefonische Tisch-Reservation gärn eui Cordon bleu Uswahl vorbschtellä. So chönd mir dänn au schnäller eue Hunger stille!
Bitte für Vorbschtelligä pro Gascht das Formular usfülle
und per E-Mail sände a haexehuesli1@gmx.ch.
Mir sind es hindernisfreis Restaurant!
Euses Sterne Stübli
Ideal für es Fäscht oder e Sitzig bis 30 Persone.
Sternesaal
Ob Hochzyt, Geburtstag, Vereinsversammlig oder was immer i eusem gmüetliche und grosse Sternesaal söll stattfindä, mäld dich bi eus früezytig, dänn planed mir zäme.
Aktuells
Da informiered mir dich über verschiedeni Neuigkeite:
Für öisi Gäscht sind zuesätzlichi Parkplätze bi de Fernwärme Wil a dä Bächerwiesstrasse reserviert.
S’beschti Cordon bleu
Nur bim Vige im Häxehüsli
Sit 1994 einzigartig
In 18 verschiedenä Variante, mit Schwins- oder Chalbfleisch, bechumsch bi eus das unverwächselbari, einzigartigi, erschtklassigi und immer grad nach dinere Bschtellig frisch gmachti Cordon bleu.
Sälbverständli hämmer au wieteri Schwizer Spezialitäte wiä z.B. verschiedeni Spätzli Pfännli, Cervelat-Chässalat und vieles me.
Vo eusem Häxehüsli gits no so viel z’verzellä. Weisch was, chum doch eifach emal verbi und la di überrasche!
Wänd nöd so spontan willsch si, keis Problem, dänn bisch jez genau uf dä richtige Website. Lueg alles in Rueh a, vom Team über Spiis-Charte bis zu dä Lokalitäte – und wänd dänn gluschtig worde bisch, chum doch gli mal is Sterne Häxehüsli, mir freued eus uf dich.
Reservier doch es Plätzli uf 044 836 31 11
Chuchi
Im und ums Häxehüsli
Kulinarisch sind eusi immer frisch zuebereitete, Land uf und ab bekannte Cordon bleu, sicher euses Markezeiche. Kei Luscht uf Cordon bleu? Keis Problem, dänn hämer au no es grosses à la carte Agebot, wo sicher jede chlini oder grossi Hunger stille cha. Über dä Mittag erwarted mer eusi Gäscht mit mindeschtens sechs prieswerte Mittagsmenu. Am Mittag sowie am Abig isches doch empfehlenswert, gschwind azlüte und es Plätzli z’reserviere.
0
Jahr
immer beschti Qualität und en professionelle Service für eu.
0
Cordon bleu
Variante, i drü Grösse, Chalb- oder Schwinsfleisch zur Uswahl.
Das verruckte Häxerudel vom Häxehüsli
Känsch das nöd ??? Das müemer ändere !!!
Dänn wämer eu es bitz vo eus verzellä: Mir sind sit 1994 s’Häxehüsli, früener in 8303 Baltenswil und sit em 1. Oktober 2022 im Sterne in 8196 Wil ZH. Vom Mäntig bis Fritig, vom Morge am halbi nüni bis id Nacht, mit viel Freud und no me Humor, simmer für eu da. Will mir es ganzes Wucheend nöd ohni eu glatte Sieche wänd verbringe, hämer churzerhand jez au no am Samschtig Abig ab dä vieri offe für eu.
D’Sonja und dä Vige füered zäme s’Häxehüsli und werded unterstützt vo dä Zeze, em Nelly, dä Fabi, dä Michelle und dä Silja.
Sonja
Zeze
Vige
Häxerudel
Kontakt
Wo mer sind und wänn mer offe händ
Im neue Häxehüsli in 8196 Wil ZH
Adresse
HÄXEHÜSLI GmbH
Restaurant Sternen
Dorfstrasse 1
8196 Wil ZH
Telefon
+41 (0)44 836 31 11
Parkplätze
bi de Fernwärme Wil
Öffnigsziite
Mo-Fr: 08:30 – 23:00
Sa: 16:00 – 23:00
So: geschlossen
Reservatione
Reservatione nur telefonisch unter +41 (0)44 836 31 11.